تاني تجي الحفلة
كتب عمران محمد
أبو صلاح صنع من الحبة قبة، كان ناس زمان بيقولوا للبيت الفيهو حفلة (بيت اللعبة)، وكان بنات زمان يأتين إلى الحفلة ملثمات حتى يتخفين من ناس أبو صلاح ويتجنبن القبة، يجلسن على السباتة المفروشة على الأرض في الاتجاة المعاكس لناس كرومة وسرور.
قنبلة
(بدور) بسبب كلامو أبو صلاح لامو، أتى كرومه ومعه الشاعر صلاح عبد السيد وآخرون من الأصدقاء، وأتى المبتهجون وأتى العروسان ولم تأتِ الأميرة بدور، عندما أتت سألت بطريقة استهجان (وينم الفنانين)؟ قالوا ليها: موجودين منزوين في الركن الجامد حتى يسهلوا لناظرهم رؤية ناس بدور. وأشارت صديقة بدور باتجاه الفنانين لتحدد لها من أبو صلاح ومن كرومة.. ضحكت بدور وسخرت وتعجبت وقالت: ديل أبان عيونن مقلمات.. في إشارة إلى أبو صلاح.
هاك
السيوف اللحاظك تشهرا
للفؤاد المن بدري انهرا
أخفي ريدتك مرة وأجهرا
نار غرامك ربك يقهرا
دودنة
بدور إحدى حسناوات حي القلعة الشهير بأمدرمان لم يعجبها شكل أبو صلاح وتحديداً عيناه لذلك قالت: هذا لا يمكن ان يكون فناناً ولا شاعراً، بل اختارت له مهنة وحددت مكانها أن يحمل قرعة ويجلس تحت شجرة كلتوم، وهي شجرة مهوقني جار عليها الزمن بشارع العرضة جوار المجلس البلدي امدرمان سابقاً، المعتمدية الآن.
حكاية
ردت صاحبة بدور بصوت خافض: اسكتي ما يسمعك ابو صلاح لو سمعك حتكوني فى اللسان طول الزمان. لكن اتت النصيحة بعد فوات الأوان، فقد سمع ابوصلاح برأي بدور فيه وتعليقها على عينيه.
هاك
يا بدور القلعة وجوهرا
صيدة غيرك إيه الجسرا
تستسلم أفكارنا وتأسرا
حال محاسنك مين الفسرا
يا الثريا الفوق أهل الثرا
يابدور القلعة وجوهرا
ديل ناس أبو صلاح لا بلعبوا (بلي) ولا بتلفتو للكلام، في لحظتك بيفصلوا ليك مقاسك ويلبسوك.
الصدير أعطافك فترا
النهيد باع فينا واشترا
الشعر أقدامك سترا
مبالغات
هذه قصة قصيدة كتبت ولحنت وغنيت في لحظات اقل من نصف ساعة لأنو ابو صلاح لم يأتِ الى الحفلة ليلقي شعراً بل اتى ليستمتع بأغاني كرومة لكن لسان بدور المشبع بالسخرية والاستهتار والشمات خلى أبو صلاح يشتغل صاح.
(ديل ناس ابو صلاح لكن الا تتفقوا معي ان الاغنيه السودانيه فقدة بريقها في الاونه الاخيره واصبحت بعيده عن مايشه الواقع ..مثال نجد ان اغاني الزمن الجميل كانت تحمل في طيتها العديد من المضامين الاجتماعيه.. لواعيش زول ليهو غيمه اسعد الناس بي وجودي .. فرق بين ادقق ياقلبي وبي ايدي اعصرك ..وكاتبني وين وعن ياتو شيخ ..نرجو من الجيل الحالي ان يحزو حزو ابو صلاح ..)