قصر الشوق
باب الريدة وانسد
وقصر الشوق وأتهد
تمر أيام وتتعدى
ونقعد نحسب فى المدة
ومهما أجرب النسيان
الأقى الشوق بيمتده
****
وحات عمرا قضيتو معاك ،
محال عن ريدك أرتد
وراجى العين تلاقى العين
وأحضن أيدك البضة
وأهى الأيام بتتعدى
ونتعاتب ونرجع تانى لابد
***
يا قصر الشوق لو هداك حبيك
ومرة ليك صد
ببنيك بغلاوة الريد ..
محال أنا قصرى ينهد
واهى الايام بتتعدى
ونتعاتب ونرجع تانى لابد
****
أقول أصبر على الحرمان
أقول أنساك لابد
أشوف بس طرفك النعسان
تخونى القوة والشدة
وأصبر قلبى .. على الهجران
يثور ماضينا ويتحدى
وأهى الأيام بتتعدى ونرجع تانى لابد
،،، وتمنياتنا لهم مزيدااااا من الابداع
موضوع: قصر الشوق 