يا ماشي للعامراب ... ما تسوقني في دربك
وديني للأحباب ... الله يزيل كُربك
أنا يا رفيق مشتاق ... للحلّي لي ناسي
للشلة والطنبور ... الطوّقوا احساسي
في الغربة أشوفُن وين ... وأنا في الحزن راسي
وطبعاً فراق الدار ... حاسِّيبو في قلبك
صدقني يا مرسال ... كل يوم يزيد شوقي
للحلي والجيران ... وللغالي معشوقي
ولي قعدة جم نخلات ... والقمري بيقوقي
وللمنقة والبرسيم ... والموية بي جنبك
أنا من هجرت النيل ... ما نمت يا صاحي
وشايل الوطن جواي ... في حزني وأفراحي
طاري الرمال والليل ... وقعداتنا صبّاحي
وطنبورنا لما ينوح ... أوتارو ترحل بك
،،، وتمنياتنا لهم مزيدااااا من الابداع
موضوع: يا ماشي للعامراب 