السلام عليكم
الطريف انو العنوان ماعندو علاقه بالموضوع كتير غير انو كان في اشاعه انو الغرفه 5 مسكونه يوم اتجنن علينا مالك 26 عشان كان داير يشوف معزتو وعزتو وناس كتمت _دي حقيقه -كان عندهم سرير البنوم فيهو كلو بهلوس وكان مخصص للطيارات-الضيوف -
دا ما اشي العايز اقولو بس عايز اتذكر معاكم بعض الناس اللما ممكن يتنسو ونبدا بي الدفعه 12 هاهاها قصدي محمد حسين رجل حنين يتغير بتغير المواقف اتخيلو كان بيختار للبرالمه اصحابهم وحبابيهم بحكم انو كبير وخبره وكدا
ونعرج علي 24 1-ناجي بورتسدان زول هادي وبحب الجبنه وبيتكسر في اي حاجه ؟؟؟؟
2-قنتي زول شعرو معاندو خفيف لي درجه انو لو سرح وطلع شعرو بيتلخبط ويوم طقشو بص سياحي الركاب كلهم اتعوقو ماعدا هو
3-المحسي محسي طبعو واطه بهيج في روحو في المرايه وبيتضارب معاها الا نحجزو منها حجز .
ونمشي علي 25 دفعه حبه بيفطو كلهم فته بي الفين والشاهد يس بتاع الكافتريا الاسبق طالبهم قروش لي اسي
26 والله ديل كتار عدييييييييييييييل منهم نبيل الرجل الغامض المستوحش لي اسي ماف زول عارف عنو شي الا يوسف ساتي لي يوم لاالليله ساكن معاهو في الجريده لمن ست الشاي بتقول لي يا استاذ والرشد صاحب سيد الجبنه بليغ عليه رحمه الله والرحمه بتجوز علي الحي والميت وعمران الجميعابي -ابوي حلال المشاكل- والله بينبسط لي يلقي مشكله وبزيد طول لي فوق ويعمل فيها ناظر القبيله -مابقدر علي لسانو آسف ماتزعل مني - ونمشي لي ارسطو عمر الحلبي كرهنا مالي حيط الغرفه التقول فنان تشكلي ماخد اللجوء في كندا اتخيلو كان بعبر في الحيطه والكلام دا مسبت لبي الان امشو الغرف5 .وايمن القضارف الزعلان مننا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟وابو ريده نسينا نذكرو مع ناس الدفعه 1 .وناس 27 مماضو صاحب الراس الساخر وبررررررضو مابقدر علي لسانو احسن اسكت ومازن ارجيلييه وبحر ووجنابو وسيم وبليغ الرشيد تؤام روح معاك ياروني وين ماتروح ...وناس 28 ديل الا يوم تاني عشان انا فترت ...وفي الختام تحيه عميقه من اعماااااااااااااااق القلب لي حبيبنا واخونا واستاذنا عارف بيرو وللرائع دز احمدى كودي واجلالا لصالح يوسف شرف وننحني توقيرا واحتراما للدكتور عبد اللطيف صاحب الدعابه الخفيفه اطال الله في ايامه ليعرفه كل من يدرس بالكليه ولباقي الكوكبه من الاستاذه (شكرا لما قدمتموه لنا ) وللناس الدخلو المخوضوع عشان العنوان بطلو الشمار واحب اطمن البرالمه (والله الداخليه كلها مســـــــــــــــــــــــــــكونه ) ولمزيد من المعلومات اسألو مالك 26 ...والاسبوع الجاي ح نتكلم عن باقي الدفعات ...وحبيبنا ابو سفيان بتاع الصندوق (يوم اتخرجتا قال لي جاني ضغط منك لم تشتغل تعال عالجني )